Kryetari i Bashkësisë Lokale Sukubinë Dritan Kurti tha se një numër i madh i banorëve të Zonës së Anës së Malit çdo ditë ka probleme me rrymë dhe ujë.
“Nuk ka ditë që nuk ballafaqohemi me mungesën e energjisë elektrike, ndërsa nga ora 11 e mbrëmjes deri në 7 të mëngjesit nuk kemi ujë”, tha ai.
Sipas fjalëve të tija, me këtë problem janë të njoftuar edhe zyrtarët komunal. “Presim që ato të ndërmarrin diçka, sepse është e pakuptueshme që kjo të na ndodh në shekullin 21”, shtoi Kurti.
