Ministri i Investimeve Kapitale, Mladen Bojaniq, deklaroi se është e sigurt që ka naftë në Bregdetin e Malit të Zi, e në çfarë sasish do të dihet jo më vonë se deri në fund të vitit.
Konsorciumi i kompanive Eni dhe Novatek më 25 mars filloi shpimet e para kërkimore në nëndetin pranë Ulqinit. Nga Qeveria atëherë kanë njoftuar se në këtë pus priten rezerva të mëdha nafte.
“Punimet vonojnë sepse është hasur në një formacion i cili ka kërkuar siguri shtesë. Mbetet të shihet se sa do të jetë e leverdishme kjo punë. Është e sigurt që ka naftë, e në çfarë sasish do të dihet deri në fund të këtij viti”, tha Bojaniq.
