Fillimin e këtij vit në Montenegrobursë e kanë shënuar indekset e kundërta të kompanive të Ulqinit.
Kështu për 20 për qind janë rritur aksionet e Ndërmarrjes hotelerike – turistike “Riviera e Ulqinit” dhe vlejnë 11,4 euro, gjersa për vlerë gati të njëjtë kanë rënë aksionet e Kripores dhe tani janë 1,6 euro.
Këto indekse janë rezultat i paralajmërimit që për Rivierë interesohet turoperatori gjerman TUI, gjersa me mbrojtje të sigurt të zonës së Kripores është zvogëluar edhe më tej mundësia për ndërtim në këtë zonë.
