Kryetari i Shoqatës së ullishtarëve “Valdanos” Xhaudet Cakuli ka thënë që koha e keqe dhe dëmtuesit kanë bërë që edhe kjo vjet për ullishtar të jetë e dobët.
Ai për Portal Analitika tha që janë mbledhur shumë pak fryte, sepse kokrrat kanë rënë para se janë pjekur. “Sikur të kishte fryte këto ditë do të ishin të shkëlqyera për mbledhje, por punë do të ketë vetëm në dy, tre ullishta. Me 200 rrënjë unë këtë vit nuk do të mbledh gati asgjë”, tha Cakuli për prodhimin e dobët të sivjetmë.
Sidoqoft, sasia e vajit e cila këtë vit do të prodhohet nuk do të mjaftojë as për nevojat shtëpiake të ullishtarëve të Ulqinit.
