“Shumica e Shqiptarëve në Mal të Zi është e pakënaqur me politikën e Partisë demokratike të socialistëve dhe të liderit të saj Millo Gjukanoviq dhe kjo më së miri shihet në SHBA, ku nuk ekziston frika nga regjimi malazez”, deklaroi ish funksionari i Lidhjes së fuqive reformatore për Malësi Vasel Camaj.
Ai duke komentuar për “Vijesti” protestën e disa organizatave shqiptare në SHBA tha që Shqiptarët në Mal të Zi janë të frikësuar me regjimin të cilin e konsiderojnë si diktatorial. “Shqiptarët, si dhe popujt tjerë në Mal të Zi, jetojnë në frikë nga ky regjim, sidomos kur merret në konsiderim “Fluturimi i shqiponjës”, i cili ka frikësuar banorët e qetë të Malësisë. Prej atëherë në këtë regjim shikohet si në diktaturë e cila është antishqiptare dhe antiqytetare”, tha Camaj.
Sipas fjalëve të tija, Shqiptarët nuk janë të kënaqur as me partitë nacionae të cilat kanë hyrë në koalicion me PDS. “Janë krejtësisht të zhgënjyer dhe nuk i besojnë liderëve të vet, sepse mendojnë që ato ndihmojnë këtë regjim”, ka thënë ai dhe shtoi që nuk do ta habiste nëse edhe këtu vjen deri tek protestat paqësore.
Udhëheqësi i Iniciativës qytetare Vasel Sinishtaj ka shprehur mirëkuptim për protestën e rreth 150 Shqiptarëve në Njujork.
Funksionari i PDS Nikoll Gegaj mendon që këto protesta ishin të papërshtatshëm, sepse, siç tha, pozita e Shqiptarëve në Mal të Zi asnjëherë nuk ishte më e mirë dhe kjo më së shumti duke iu falëndëruar pushtetit të udhëhequr nga Millo Gjukanoviq.
