“Plani i sanimit nënkupton transferimin e juridiksionit dhe fuqisë së vendosjes në Ministrinë e financave në qeverinë e Malit të Zi”, tha kryetari i komunës së Ulqinit Nazif Cungu gjatë diskutimit për vendimin e marrjes së kredisë komerciale nga më pak se dy milion euro.
Për këtë vendim kanë votuar të premten të gjithë këshilltarët e pranishëm.
Cungu tha që kredia merret për shlyerjen e detyrimeve për kontribute dhe tatime të punësuarve të cilat nuk janë paguar në vite. “komuna është e detyruar të nënshkruaj protokollin për shlyerje e këtyre detyrimeve, sepse do të na merrnin 2.450.000 euro sa kemi borxh, gjegjësisht do ta kishim vazhdimisht të bllokuar xhiro llogarinë”, tha ai.
Sipas fjalëve të tija, është nënshkruar marrëveshja me Ministrinë e financave për këtë. “Ne duhet ta kemi të qartë: komunës së Ulqinit me siguri do ti nevojiten 10 vite për të dal nga kjo situatë në të cilën ndodhet”, tha Cungu dhe shtoi që me strategjinë e cila përgatitet në Parlament mund të dilet nga kjo situatë.
Kryetarja e klubit të këshilltarëve të UDSH-së Hadixha Gjoni më herët tha që me nënshkrimin e kontratës me Ministrinë e financave dukshëm zvogëlohen ingerencat e qeverisjes lokale, ndërsa numri i punëtorëve në organet e vetëqeverisjes lokale, sipas kësaj marrëveshje, do të zvogëlohet për rreth 30 %. “Për fat të keq do të zvogëlohen dhe pagat e punëtorëve”, shtoi ajo.
