“Pushteti lokal nuk funksionon siç duhet, kështu që së shpejti mund të presim zgjedhje. Ndoshta kjo do të ishte më korrekte ndaj qytetarëve”, deklaroi kryetari i Ulqinit Nazif Cungu.
Ai për “Dnevne Novine” tha që është i pakënaqur me punën e partnerëve të koalicionit dhe paralajmëroi shqyrtimin e pjesëmarrjes të partisë së vet në pushtetin lokal.
Kryetari i FORCËS nuk e përjashtoi mundësin e koalicionit me PDS. “Ndoshta kjo edhe nuk është keq për të gjithë ne”, tha Cungu.
Shpalljen e zgjedhjeve të reja lokale në Ulqin të dielën i kërkuan dhe nga Partia socialiste popullore, ky është qëndrimi dhe i disa pjesëtarëve të deritashëm të koalicionit, si edhe i Malit të Zi Pozitiv.
