Kaluan 45 ditë nga afati i caktuar për hartimin e Planit për Administrimin e Kripores, njoftohet nga Qendra për Mbrojtjen dhe Hulumtimin e Shpendëve (CZIP).
Sipas fjalëve të drejtoreshës së kësaj organizate të njohur Jovana Janjusheviq, ky ishte obligim i Komunës së Ulqinit, gjegjësisht Sekretariatit për Veprimtari Komunale dhe Mbrojtjen e Ambientit.
“Afati skadoi me 29 tetor, e sipas dijenive tona nuk është iniciuar as procedura e hartimit të këtij planit”, tha ajo për “Pobjeda” duke theksuar se ekziston frika që nuk do të krijohet struktura shumë kërkuese operative në mënyrë që Komuna e Ulqinit deri me 24 gusht të vitit të ardhshëm të marrë përsipër administrimin e Kripores.
