Nga Qendra për mbrojtjen dhe hulumtimin e shpendëve (CZIP) kanë njoftuar se gjatë këtij dimri kishte më shumë shpend në Kripore se vitin e kaluar. Siç theksohet, ky fakt është rezultat i mbrojtjes më aktive të shpendëve vitet e kaluara në këtë zonë.
Situata është e ngjashme, siç pohojnë nga CZIP, edhe në Salinën e Tivatit, derisa më pak shpend ka në Liqenin e Shkodrës.
Përndryshe, këto ditë po kryhen aktivitetet për rregullimin e mbrojtjes ligjore të hapësirës së Kripores, ku janë të kyçur përfaqësuesit e Komisionit evropian, ambasadave të huaja në Podgoricë, Ministrisë së zhvillimit të qëndrueshëm dhe turizmit dhe ato të komunës së Ulqinit.
