Nga Qendra për mbrojtjen dhe hulumtimin e shpendëve është njoftuar se të premten organizohet vizita e përfaqësuesve të Qeverisë dhe korit diplomatik në zonën e Kripores së Ulqinit.
Vizita organizohet me qëllim njoftimin e vizitorëve me pasuritë dhe rëndësinë e Kripores si një nga habitatet më të rëndësishme të shpendëve në Mesdhe.
Kriporen e Ulqinit do ta vizitojnë: Daliborka Pejoviq, sekretarja e shtetit, ambasadori Aleksandar Andrija Pejoviq, sekretari i shtetit për integrime evropiane dhe negociuesi kryesor, Gudrun Shtajnaker, ambasadorja e Gjermanisë në Mal të Zi, Fatmir Gjeka, kryetari i komunës së Ulqinit, Zana Sarvan, drejtoresha e Organizatës turistike të Ulqinit, përfaqësuesit e Ndërmarrjes publike për rritjen dhe mbrojtjen e egërsirave Ulqin dhe të Administratës së falimentit në Kriporen e Ulqinit.
