Prokuroria speciale akoma po e bënë hetimin rreth parregullsive të cilat janë lajmëruar në rastin e dhënies së lokalitetit A 12 në pjesën e pasme të Plazhit të madh i cili tre herë doli në tender për qiramarrje të lokaliteteve të përkohshme, dhe për ç’arsye Komuna e Ulqinit në ndërkohë është paditur për shumën kompenzuese për fitimin e parealizuar prej 90 mijë euro, ky është epilogu i rastit të njohur si “Big Ben”.
Lokaliteti pak kohë më parë i takoi qiramarrësve të vjetër të afërt me pushtetin lokal për shumën prej pak mbi 5500 euro, pohon e përditshmja “Dan”.
Edhe ankandin e tretë e karakterizuan tërheqjet e dyshimta të vendit të parë dhe të dytë gjë që ngre dyshimin që i tërë procesi është montuar për qiramarrësit e dikurshëm.
Në këtë epilog nuk ndikoi as fakti që Prokuroria e lartë shtetërore ka dorëzuar padinë dhe plotësimin e padisë penale Prokurorisë speciale, të cilën kundër kryetarit të Komisionit të Ulqinit për ecurinë e shpalljes publike për qiradhënien e lokaliteteve të përkohshme në pronën komunale Allmir Mullabeqiroviq, dhe anëtarëve të komisionit: Luka Marnikoviq, Saubih Mehmetit, Agron Ibrahimit dhe Arben Taganit e ngriti Momçillo Radulloviq.
