Sekretari gjeneral i Demokratëve të Malit të Zi Boris Bogdanoviq ka deklaruar se kjo parti po përgatit strategjinë komunikative dhe zgjedhore për komunë të Ulqinit, implementimi i të cilës do të nisë këto ditë.
„Me këtë strategji do të krijojmë parakushtet e nevojshme për thirrjen e Konventës së parë zgjedhore në të cilën mbi 500 delegatë do të zgjedhin Këshillin komunal dhe udhëheqësinë e Këshillit komunal“, tha ai për Portalin Ul-info.
Bogdanoviq shtoi se organet lokale të Demokratëve të Ulqinit do të formojnë listën zgjedhore, do të përcaktojnë bartësinë e listës zgjedhore, do të konstitutojnë këshillat lokal dhe do të miratojnë programin zgjedhor, i cili do të konceptohet sipas parimit problem – zgjidhje.
