Në deponinë e përbashkët të Ulqinit dhe Tivarit nga fillimi i punës së saj, më 12 korrik 2012, deri më sot janë depozituar 140 mijë tonë mbeturina.
Kemi të bëjmë me shifër të lartë mbasi që me planin fillestar është parashikuar që në “Mozhur” të hidhen 30 mijë tonë mbeturina në vit.
“Arsyet ekonomike dhe të interesit shtetëror kanë bërë që edhe tre qytete të hedhin mbeturinat tek ne”, deklaroi për Portal Analitika drejtori i deponisë Senad Arabelloviq.
Ai shtoi që, nëse ky fluks vazhdon, afati i zgjatjes së deponisë do të jetë përgjysmë më i shkurtë se çka është planifikuar.
