“Për tre vite punë në “Mozhur”, në deponinë e përbashkët të Ulqinit dhe Tivarit, janë grumbulluar 200 mijë tonë mbeturina, që do të thotë se është plotësuar një e pesta e deponisë”, njoftoi drejtori ekzekutiv i ndërmarrjes aksionare “Mozhur” Dragan Simoviq.
Ai në mbledhjen e Parlamentit të Tivarit ka thënë se, nëse vazhdohet me këto ritme, për 12 vite “Mozhuri” do të mbyllet.
Sipas fjalëve të tija, borxhet e veta tash një kohë të gjatë nuk i shlyejnë ndërmarrjet komunale nga Ulqini dhe Tivari, kështu që në dy javët e ardhshme do të mbahet mbledhja me kryetarët e këtyre komunave.
