Nga administrata e Deponisë sanitare regjionale “Mozhur” është njoftuar se nga fillimi i punës së saj ndërmarrjet komunale të Ulqinit dhe Tivarit nuk kanë paguar asnjë euro, shkruan “Vijesti”.
Siç thuhet, borxhi i tyre arriti shifrën e afro një milion euro.
Drejtori i kompanisë Dragan Simoviq në mbledhjen e Kuvendit komunal të Tivarit, gjatë diskutimit për programin e punës së deponisë për këtë vit, ka thënë se kjo paraqet problem të madh.
Në Parlamentin e Ulqinit nuk ka paralajmërime se do të shqyrtohet ky dokument i administratës së deponisë regjionale, themelues të së cilës janë komuna e Ulqinit dhe ajo e Tivarit.
