Këshilli ekzekutiv i Partisë demokratike të socialistëve në Ulqin, në mbledhjen e cila u mbajt të martën, e në të cilën morri pjesë dhe anëtarja e Kryesisë së kësaj parti Sanja Vllahoviq, arriti në përfundim që „duhet të bëhet edhe një përpjekje që të arrihet marrëveshja e cila do të rezultojë me bashkëpunimin e të gjithë subjekteve politike nga Ulqini“.
Siç thuhet, vetëm në këtë mënyrë mund të zgjidhen sfidat të cilat qëndrojnë para Ulqinit dhe qytetarëve të tij.
„Partia jonë nuk ka mandat që në mes të dy cikleve zgjedhore apo para përfundimit të mandatit të rregullt të qeverisjes aktuale në Ulqin të zgjedh në mes të partive apo subjekteve politike të caktuara. Këtë të drejtë mund ta kenë vetëm qytetarët e Ulqinit në zgjedhje“, thekson kryetari i Këshillit komunal të PDS-ës Loro Nrekiq.
Ai shtoi që, nëse për cilin do arsye nuk arrihet marrëveshja e të gjithë subjekteve politike, PDS propozon që „urgjentisht të caktohet mbledhja e parlamentit lokal në të cilën do të bihet vendimi për shkurtimin e mandatit dhe do të caktohen zgjedhjet e lokale. Dhe këtë sa më parë që është e mundur, sepse kjo gjendje nuk është në interes të qytetarëve“, tha Nrekiq.
Ai shprehu bindjen që në zgjedhjet e ardhshme lokale PDS do të realizoj rezultat jashtëzakonisht të mirë.
