Inxhinieri i diplomuar i ndërtimtarisë Mentor Llunji është fitues i Çmimit vjetor të Dhomës së inxhinierisë së Malit të Zi.
Ulqinaku këtë çmim e fitoi për librin e vet „Seismic Architecture – The architecture of earthquake resistant structures”.
Kjo, sipas vlerësimit të kritikës, vepër unike shkencore është publikuar më herët në gjuhën shqipe dhe malazeze.
“Ky çmim i Dhomës së inxhinierisë është shumë i dashur për mua jo vetëm për arsyen se më vlerëson si inxhinier dhe autor, por sepse vlerëson mundin e madh që është bërë në shkrimin e kësaj libre”, deklaroi Llunji dhe paralajmëroi se së shpejti do të dal libri i tij i ri.
