Me ndryshimin e radhës të Ligjit për tatimin në vlerën e shtuar (TVSH) duhet të shqyrtohet mundësia e vendosjes së normës së ulur prej shtatë përqind për shërbimet turistike, është vlerësuar të mërkurën në Dhomën e tregtisë (PKCG).
Në mbledhjen e Këshillit të Shoqatës së turizmit dhe hotelerisë, siç transmeton agjencia MINA, është iniciuar që norma e TVSH-së të jetë shtatë përqind. “Eksperiencat e deritashme tregojnë që norma e ulur e TVSH-së për akomodim nuk kishte efekt negativ në të ardhurat e buxhetit, por përkundrazi, me rritjen e numrit të fjetjeve janë rritur dhe të ardhurat nga TVSH-ja”, kanë thënë nga Dhoma e tregtisë.
Me normën e ulur të TVSH-së prej shtatë përqind, siç kanë shpjeguar, në veprimtarinë e përgjithshme turistike, me politikën fiskale do të ndikohej në konkurueshmërinë e turizmit të Malit të Zi dhe kushtet e punës të hotelerisë do ti afronte shteteve konkurrente mesdhetare. Ku kjo normë në përgjithësi është nga pesë në dhjetë përqind.
