Qëllimi i sezonit të koncerteve “VIVO” është që artistëve dhe absolventëve të shkollës së muzikës në Ulqin të ju jepet mundësia që dijen dhe talentin e tyre ta ndajnë me publikun e shumët dhe t’i motivojë drejtë qëllimit të përzgjedhur.
Pjesëmarrja e muzikantëve nga qytetet fqinje në Mal të Zi, si dhe nga vendet fqinje janë pjesë përbërëse e këtij koncepti.
Koncerti i parë do të mbahet në hollin e Qendrës kulturore me 23.12.2016 me fillim në ora 19.00. Është planifikuar mbajtja e koncerteve 45 deri në 50 minutash në fund të çdo muaji.
Sezoni i koncerteve “VIVO” është fillimi i kthimit të traditës së mirë si dhe dëshirë që qyteti jonë të promovohet në të ardhmen e afërt si “Ulqini qytet i kulturës”. Ne jemi grup joformal i qytetareve e cila dëshiron ti kontribuoj përparimit dhe përmirësimit të jetës kulturore në Qytetin tonë. Shpresojmë që do t’i përkrahni hapat e parë të iniciativës tonë, thuhet në shpalljen e dërguar nga Zenepe Lika, Fatime Buzuku dhe Gjylie Pelingu.
