DISA FJALË MYSAFIRËVE PËR ULQININ TONË

Ulqini është qyteti më romantik dhe më interesant në bregdetin lindor të Adriatikut. Historia e tij tregon se këtu në dy mileniume e gjysmë janë ndërthurur në mënyre frytdhënëse ndikimet kulturore të qytetërimeve më të mëdha botërore. Prania e Orientit dhe Perëndimit, Mesdheut dhe Evropës, akoma ndihen fuqishëm në Qytetin e vjetër.

Gjatë tërë historisë së vet, ky qytet ka qenë port i rëndësishëm detar dhe tregtar, ndërsa nga fundi i shek. XVI deri ne fillim te shek. XIX bazë e madhe e kusarëve.

Ulqini është një udhëkryq i vërtetë i kulturave. Aty bashkohen lindja e perëndimi, kishat e xhamitë e të tri feve (islame, ortodokse dhe katolike), dy gjuhë të popullsisë se përzier (shqipja dhe serbokroatishtja ), zakonet e mentalitetet dhe shumë gjëra të tjera.

Natyra ka qenë shumë bujare ndaj këtij qyteti. Deti i kaltër, lumi Buna me ishullin Ada në gryken e saj, liqeni i begatë i Shasit, ullishta shumëshekullore me mbi 80 mijë rrënjë të kësaj peme të bekuar, gjiri magjepsës i Valdanosit, burimet shëruese dhe pylli i pishave dehëse si dhe plazhet e gjata dhe të bukura ranore janë vetëm disa prej bukurive natyrore që s’mund të përshkruhen më fjalë. Thjesht, duhet të përjetohen.

Ata të cilët kanë kaluar pushimet në Ulqin, do t’ju thonë se askund në tërë Adriatikun nuk bëhet larje më e këndshme sesa në Ulqin. Uji i detit është i kristaltë, i pastër, nuk ka anije të mëdha dhe valë të forta. Thellësitë e detit janë si kadifeja: të pastra e të mëndafshta.

Ulqini është qyteti që ka më së shumti orë me diell në Mesdhe, vendshërim natyror (veçanërisht për gra sterile, të sëmurë me astma, reumë etj), bazë për përgatitje sportive gjatë dimrit dhe rajon ku vegjetojnë rreth 240 lloje të shpezëve. Kjo është arsyeja që shumë gjuetarë e ornitologë, peshkatarë e sportistë, nga vendi dhe bota e përjetojnë këtë vend si destinacionin më të dashur për pushim dhe argëtim.

Tregu i Ulqinit të martave dhe të premteve është shumë i njohur. Në të mund të shihen veshjet e mrekullueshme popullore të popujve, grupeve etnike dhe feve të ndryshme të cilët jetojnë këtu. Tradita e tyre dhe veçoritë e tyre kulturore e shoqërore i japin qytetit një sharmë dhe bukuri të veçantë piktoreske.

Gjatë historisë, Ulqini ka qenë vendstrehim i qetë i udhëheqësve e udhëheqëseve. Për këtë, edhe Juve ju ftojmë që të vizitoni qytetin tonë, ndërsa ne do të mundohemi që pushimi Juaj të jetë sa më i këndshëm.

Këtu gjeni mundësi të ndryshme qëndrimi si në objekte hoteliere ashtu edhe në ato private. Gjithashtu keni në shërbimin Tuaj edhe menynë e pasur të kuzhinës vendase si dhe peshkun më të mirë në Adriatik.

OT Ulqin, përgatiti UL-info.com

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e parë dhe ishin kryesisht gjermanë të sjellë nga agjencia “Miramare”.

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari i Komunës së Ulqinit Omer Bajraktari me bashkëpunëtorë

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me kryeministrin do të përfshijë edhe një sërë ministrash

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë punimet për ndërtimin e “Ville Version”,

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij, kjo dinamikë është është dakorduar të hënën në një bisedë