Myslimanët të enjten festojnë Bajramin e ramazanit, një nga dy festat më të rëndësishme në islam. Bajrami i ramazanit shënon përfundimin e agjërimit dhe vijojnë ditët e festës – ditët e Bajramit.
Dita e parë e festës fillon me lutjen e mëngjesit, Bajram namaz. Siç thanë në Bashkësinë islame, ai do të falet në xhamitë e Ulqinit në ora 6:15.
Mbas kësaj është traditë në Ulqin që të kryhet vizita (zirajet) e varreve të paraardhësve.
Bajrami i ramazanit gjithmonë i bie me 1 shevall (muaji i dhjetë në kalendarin mysliman) dhe zgjatë tre ditë, ndërsa besimtarët e cilësojnë si “festën e kalimit të provimit”.
Festën e ardhshme besimtarëve ja uruan institucionet shtetërore dhe partitë politike.
