Drejtori i Qendrës për ruajtjen dhe zhvillimin e kulturës së pakicave Dervish Selhanoviq ka deklaruar se disa evente në kuadër të manifestimit tradicional “Ditët e multikulturalizmit” do të mbahen në Ulqin.
Ai për “Pobjeda” tha se do të bëjë promovimin e studimit “Trashëgimia ndërtimore e Ulqinit- në mes teorisë dhe praktikës” e dr Igballa Shaboviq Keroviq, derisa nga mesi i tetorit në Galerinë e Qendrës për kulturë në Ulqin do të organizohet ekspozita kolektive e krijuesve më të njohur të artit figurativ nga radhët e popujve pakicë.
Përndryshe, nga fundi i vitit do të prezantohet filmi dokumentar për Esad Mekulin, një nga krijuesit më të njohur kulturor shqiptar nga Mali i Zi.
