Në moshën 83 vjeçare ndërroi jetë Dr. Minir (Hasan) MAVRIQI.
Ka qenë i lindur në vitin 1933 në Ulqin. Shkollën fillore e ka mbaruar (1949) në Ulqin, të mesmen të mjekësisë (1953) në Sarajevë. Stomatologjinë e ka studiuar dhe mbaruar më 1966 në Fakultetin e stomatologjisë në Sarajevë. Po aty, në vitin 1983, e ka mbaruar edhe specializimin nga ortodoncia.
Pas mbarimit të studimeve, nga viti 1966 punon si stomatolog në Shtëpinë e shëndetit popullor në Ulqin, ndërsa nga viti 1983 si specialist – ortodont në të njëjtën themelatë.
Nga krijimi i shërbimit stomatologjik në Shtëpinë e shëndetit në Ulqin ka qenë shef i këtij shërbimi gjithandej deri në pensionim.
Përndryshe, ai është ulqinaku i parë i cili e ka mbaruar stomatologjinë.
Deri me ardhjen e tij në Shërbimin e Stomatologjisë ka punua dentisti me shkollë të lart Muhamed Hysa si edhe dy teknik dentar /Kapllan Hajdinaga, Asllan Hajdinaga/. Pas tri vjetëve Shtëpia e shëndetit e athershme – Shërbimi stomatologjik pajiset me makina bashkohore dhe me ardhjen e dr.Minir Mavriqit organizohet puna në shërbimin parashkollor dhe shkollor stomatologjik.
Me ndërtimin e Shtëpisë shëndetit në vitin 1975 në lagjen Meraja /ish stadiumi i futbolit/ arriten kushtet për një punë më të mirë në stomatologji.
Dr.Miniri është pensionuar në vitin 1998.
Ka dhënë kontribut të veçant në shërbimin stomatologjik të Ulqinit.
Respekti dhe ngushëllimet tona i takojnë familjes të nderuar MAVRIQI.
