Për adaptimin e Shtëpisë së Shëndetit në Ulqin, në kuadër të projektit “Efikasiteti energjetik në Mal të Zi – faza e dytë”, do të investohen 450 mijë euro.
Kontrata ka të bëjë me zëvendësimin e dritareve, vendosjen e termoizolimit në fasadë, vendosjen e termoizolimit në pullaz, zëvendësimi dhe avancimi i sistemit për përgatitjen e ujit të ngrohtë sanitar, përmirësimi i sistemit të ndriçimit dhe atij të ngrohjes.
Drejtori i Shtëpisë së Shëndetit Dr. Pavlle Marnikoviq tha se afati për përfundimin e punimeve është një qind ditë, por duhet marrë parasysh edhe kushtet klimatike.
“Ditë e madhe për Shtëpinë e Shëndetit në Ulqin. Punimet filluan. Ky projekt i madh të punësuarve do ti krijojë kushte më të mira për punë, ndërsa në veçanti gëzohem për pacientët, sepse këtu do të kenë qëndrim më të këndshëm”, tha ai.
