Drejtoria e policisë së Malit të Zi ka njoftuar se Ulqinaku Hamid Beharoviq (38) u arrestua të enjten në aeroportin e Podgoricës për shkak të dyshimit se morri pjesë në luftën në Siri në anën e Shtetit islamik (ISIL).
Thuhet që në këtë organizatë terroriste Beharoviq kaloi më shumë se një vit.
Nga DP theksojnë se ky është arrestimi i parë për këtë vepër penale dhe thonë që vazhdojnë me aktivitetet me qëllim mbledhjen e provave për personat për të cilët ekziston dyshimi që kanë udhëtuar ose qëndruar në fushëbetejat e huaja, por edhe për personat tjerë që kanë lidhshmëri me shkuarjen dhe kyçjen e shtetasve malazez në formacionet e huaja të armatosura.
