Shega është ndër frutat e rralla mbi tokë për vlerat që ka për shëndetin.
Studimet kanë treguar, sipas gazetes “Shekulli”, se shega ka efekte të dobishme, pasi ndikon në dobësimin e simptomave të shumë sëmundjeve.
Listën e kryesojnë: ulja e kolesterolit dhe hipertensionit, parandalimi i episodeve kardiake si pasojë e ngushtimit të arterieve, shkrirja më e shpejtë e pllakave arteriale, përforcimi i forcës antioksiduese të organizmit.
Shega, nga frutat me forcën më të fuqishme anti-oksiduese, nuk duhet të mungojë në tryezat tona. Mjafton një gjysmë gote lëng i shtrydhur çdo ditë për të përfituar vlerat e çmuara të saj.