Fatura mesatare për rrymë elektrike të shpenzuar në Ulqin në shtator ishte gati 20 për qind më e madhe nga përqindja në nivel shteti, është lajmëruar nga Elektroekonomia e Malit të Zi.
Muajin e kaluar amvisëritë në Ulqin në mesatare kanë shpenzuar energji elektrike në vlerë prej rreth 41 euro.
Megjithatë, kjo është shumë më pak se në korrik kur kjo faturë në mesatare ishte 57, e sidomos në gusht kur amvisëritë ulqinake shpenzonin rrymë elektrike me vlerë prej 67 euro në mesatare.
