Nga organizata joqeveritare “Hapi i gjelbër” i dërguan letër drejtuesve të Ndërmarrjes publike për menaxhimin e të mirave detare në të cilën i ftojnë të përcaktojnë gjendjen në Pyllin e pishave, Port Milenë dhe lokalitetet tjera të cilat janë nën kompetencën e tyre.
“Gjendja në Pyllin e pishave është alarmante, sidomos mbas stuhisë së fundit. Është e nevojshme të ndërmerren masa urgjente në mënyrë që të sanohet dhe parandalohet devastimi i mëtejmë”, paralajmëruan ekologët e Ulqinit.
Thonë po ashtu se po shkatërrohen dinat në Plazhin e madh, si dhe që po vazhdon kaosi në brigjet e Bunës.
