Tetovë,11 shtator 2013- Kryetari i Partisë Demokratike me seli në një Ulqin, z. Fatmir Gjeka po qendron në Maqedoni.Ai me këtë rast është takuar me kryetarin e BDI-së,z. Ali Ahmeti.
Dy liderët kanë folur mbi pozitën e shqiptarëve në dy vendet respektive.Z. Ahmeti dhe mysafiri i tij, z. Fatmir Gjeka kanë konstatuar se shqiptarët kanë treguar një pjekuri politike dhe civilizuese,duke u përcaktuar për integrime evropiane dhe evroatlantike. Dy bashkëbiseduesit konstatuan se përcarjet dhe politizimet dëmtojnë drejtpërdrejt radiuesin politik,por edhe popullin shqiptar qoftë në Maqedoni apo në Malin e Zi. Në këtë frymë, dy liderët shqiptarë e shohin me shumë rëndësi bashkëpunimin mes veti,si dy parti nacionale shqiptare në pushtet në Mal të Zi,përkatësisht në Maqedoni,shkëmbimin e përvojave në qeverisjet qendrore dh ato lokale.
Kryetari i PD, z. Fatmir Gjeka i bëri ftesë mikpritësit të tij,z. Ali Ahmeti,kryetar i Bashkimit Demokratik për Integrim që në të ardhme të afër të vizitojë Malin e Zi, që u pranua me shumë dashamirësi. /Shërbimi pëinfomim i PD-së/
