Fatura mesatare e rrymës elektrike për familje në Ulqin për muajin qershor ishte 42 euro dhe është më e larta në Mal të Zi, është lajmëruar zyrtarisht nga Elektroekonomia e Malit të Zi (EEMZ).
Në nivel të shtetit në qershor familjet mesatarisht kanë shpenzuar 33 euro për rrymë elektrike.
Fatura e qershorit në nivel të Malit të Zi është katër përqind më e lartë se e majit.
“Nëse keni borxh për energji elektrike, shfrytëzojeni mundësinë që nga tetori ta paguani në këste mujore fikse nga 20 euro, pa pjesëmarrje dhe pa llogaritjen e kamatës elastike. Mjafton që faturat e qershorit, korrikut dhe gushtit ti paguani deri në ditën e fundit të muajit, pa llogaritur borxhin e mëhershëm”, kanë thënë nga EEMZ.
