“Simpatizues të klubit, ju njoftojmë se, për shkak të pamundësisë për të gjetur mjetet financiare, Federali nuk do të luaj sezonin e ardhshëm në Ligën e Dytë”, njoftohet sot në faqen zyrtare të FB të këtij klubi nga Ulqini.
E hëna ishte afati i fundit që të kryhet regjistrimi i futbollistëve për sezonin 2014/2015, gjegjësisht deri atëherë ka zgjatur afati i transferimeve.
Disa futbollistë të njohur nga vendi kanë shprehur interesim ditë më parë që të luajnë në këtë klub të Ulqinit sezonin e ardhshëm.
