Edhe sezonin e ardhshëm Federali do të garojë në Regjionin jugor të futbollit. Futbollistët nga Ulqini humbën sot prej skuadrës “Radniçki” nga Berane (0:1) në fushën e vet dhe në këtë mënyrë i thanë lamtumirë dëshirës për të luajtur në rangun më të lartë garues, gjegjësisht në Ligën e dytë të Malit të Zi.
Duket që aq pak duhej që ëndrra të realizohet. Por, me përkrahje të vogël të pushtetit lokal, udhëheqësia e re mund të shpresojë për sukses vetëm vitin e ardhshëm.
Ajo që ndoshta është më e rëndësishme është që do të duhet shumë vizion, punë dhe mjete që futbolli të marr vendin e merituar në Ulqin.