Të dhënat e Entit shtetërorë për statistikë – Monstat tregojnë që në kulmin e sezonit në Ulqin qëndrojnë mbi 70 për qind e të gjithë mysafirëve që gjatë vitit e vizitojnë këtë komunë. Gjatë korrikut dhe gushtit në rivierën e Ulqinit zyrtarisht kanë pushuar 96,4 mijë mysafirë të cilët kanë realizuar fati 800 mijë fjetje, ose 2,5 herë më shumë seç është realizuar në të gjithë pjesën tjetër të vitit.
Kjo e dhënë është përmirësuar pak në krahasim me vitet e përparshme, kur gjatë korrikut dhe gushtit në Ulqin kanë qëndruar 80 për qind e mysafirëve.
Punëtorët turistik pajtohen që ky fenomen e shkatërron turizmin e Ulqinit, sepse gjatë kulmit të sezonit është presion i madh në infrastrukturë, plazhe, por edhe në nervat e vendasve. Ato pajtohen që duhet të merren të gjitha masat në zgjatjen e sezonit, në mënyrë që të zvogëlohen sezonaliteti shkat;rrues, dhe veprimtaria më e rëndësishme në komunë të bëhet më profitabile.
