Moti i bukur dhe organizimi i mirë kanë mbledhur sot në Tivarin e moçëm disa mijëra vizitorë nga tërë Mali i Zi në ngjarjen qendrore të Festës së sivjetme të ullirit, të 13 me radhë. Ndër to ishin edhe disa qindra Ulqinak, të cilët kishin arsye për festim.
Sepse, shpërblimin për stendën më të bukur dhe çmimin e tretë për cilësinë e vajit të ullirit e fitoi bashkëqytetari ynë Shaban-Buqo Kolari, përndryshe pronar i restorantit “Ponte”.
Në Tivar të moçëm kishte muzikë të mirë në disa lokalitete së bashku me ushqimet dhe ëmbëlsirat tradicionale.
Ullishtarët shprehën pritshmërinë që, për dallim nga ky vit, viti i ardhshëm do të jetë i frytshëm.
