Në Ulqin sonte do të mbahet mbledhja e Këshillit komunal të Partisë Demokratike të Socialistëve në të cilën do të propozon kandidatët për kryetar të Komunës, mëson Portali Ul-info.
Pas kësaj, në pajtim me Statutin e partisë, propozimi do të dërgohet për pëlqim në Kryesi të PDS-së.
Në fund të Prillit Këshilli ekzekutiv njëzëri për këtë funksion propozoi Loro Nrekiqin, bartësin e listës në zgjedhjet lokale të cilat u mbajtën me 4 Shkurt.
Në këto votime PDS-ja fitoi më së shumti vota të qytetarëve të Ulqinit. Më herët u arrit marrëveshja me partitë shqiptare që lista e cila ka më së shumti vota të caktojë kryetarin e Komunës.
