Forca: Kryetari Nimanbegu mori pjesë në “Antalya Diplomacy Forum”

Me ftesë të Ministrisë së Punëve të Jashtme të Turqisë zv.Ministër z.Mehmet Kemal Bozay, delegacioni i Forcës së Re Demokratike i kryesuar nga kryetari z.Genci Nimanbegu dhe anëtari i Këshillit Qendor  Lavdim Kroma ka marrë pjesë në aktivitetin e #ADF2024 në Antalia të mbajtur më 1-3 mars 2024.

Edicioni i III-të i Antalya Diplomacy Forum ka mbledhur përfaqësues mbi 140 shtete të botës nga të cilët 19 kryetarë shteteve, 63 ministra, dhjetëra deputetë dhe personalitete nga organizata ndërkombëtare.
Takime të shumta bilaterale janë bërë mbi luftën në Gazë dhe në Ukrainë, si dhe sfidat e diplomacisë. Pjesëmarrje masive ishte në panelin mbi Ballkan me titull: “Sfidat dhe mundësitë në Ballkan”.

Gjatë #ADF2024 Kryetari Nimanbegu zhvilloj takime me Ministrat e Punëve të Jashtme të Malit të Zi z.Filip Ivanović, Ministrin e Shqipërisë z.Igli Hasani, Ministrin e Maqedonisë së Veriut z.Bujar Osmani, Ministrin e Bosnje-Hercegovinës z.Elmedin Konaković dhe kryetaren Komisionit për Punë të Jashtme të Shqipërisë znj.Mimi Kodheli.

Në kuadër të #ADF2024, diplomacia pati një rëndësi të veçantë në shkëmbimin e ideve dhe përvojave të ndryshme me deputetin e Ukrainës z.Mustafa Jemilev, përfaqësues i popullit Tatar të Krimesë të cilit u shpreh mbështetja për luftën e drejt të shtetit Ukrainas.

Leave a Reply

Your email address will not be published. Required fields are marked *

Reportazh: Deti dhe ndërkulturalizmi

Intervista e parë e kryetarit Omer Bajraktari: GJENDJA NË KOMUNË, VIZIONI I ZHVILLIMIT, PLANET…