“Në Parlamentin e Malit të Zi të enjten është diskutuar për atë që investitorët në hotelet e kategorisë së lartë të lirohen nga pagesa e komunalive për objektet me interes të përgjithshëm. Unë jam njëri nga ato që e përkrahin këtë vendim dhe që komunalit të jenë të përfshira në tatim. Ky është qëndrim evropian”, deklaroi kryetari i Ulqinit Nazif Cungu.
Të premten në Parlamentin lokal shtoi që këto vendime duhet të përgatiten dhe që nuk është e logjikshme që dikush të lirohet nga pagesa e komunalive, derisa të tjerët të paguajnë.
Deputeti i Forcës Genci Nimanbegu një ditë më herët në Kuvendin e Malit të Zi është kundërshtuar vendimit të qeverisë së Malit të Zi për miratimin e ndryshimeve në Ligjin për rregullim hapësinorë dhe ndërtimin e objekteve. “Ne si parti përkrahim decentralizimin. Nëse miratohet propozimi i Qeverisë komunat, deshën ato apo jo, do të mbesin pa pagesën e komunalive”, tha ai.
Nimanbegu tha që komuna e Ulqinit nuk ka të ardhura tjera të siguroi ndërtimin e infrastrukturës përveç atyre që do ti paguante investitori të cilët, sipas kontratave investuese, kishin detyrim që para disa viteve të rinovojnë hotelet e shembura. “Ato tani sigurisht dëgjuan që ne do të ndryshojmë ligjin dhe ato nuk do të paguajnë asgjë”, shtoi Nimanbegu.
