Kryetari i Forcës së re demokratike Nazif Cungu ka deklaruar që kjo parti do të bisedojë rreth rikonstruktimit të paralajmëruar të Qeverisë malazeze me partnerët e saj të koalicionit. “Siç është e njohur, ne kemi bashkëpunim me Partin boshnjake dhe Iniciativën qytetare kroate. Do të kemi takime dhe do të merremi veshtë çka të bëjmë më tej. Kjo është gjithçka çfarë mund të them në këtë moment”, tha Cungu dje për “Dan”.
Kjo gazetë thekson që Partia boshnjake mendon që në Qeveri duhet të ketë ministri të posaçme për zhvillim regjional dhe që fakti që kryetari i saj Rafet Husoviq tani është nënkryetar i Qeverisë për zhvillim regjional nuk është e mjaftueshme.
