Në mbledhjen e KQ (Këshillit Qëndror) të Forcës të mbajtur më 29 janar 2014, ku janë shqyrtuar mundësitë për koalicione për formimin e pushtetit në Komunën e Ulqinit , KQ njëzëri ka marrë vendim që të nisen negociatat për formimin e pushtetit lokal me subjektet politike shqiptare: Koalicionin “Bashkë për të ardhmen e Ulqinit” dhe Unionin Demokratik të Shqiptarëve.
Nisur nga qëllimet programore të Forcës dhe afërsisë së programeve partiake, Këshilli Qëndror vlerëson që koalicioni paszgjedhor me subjektet e mësipërme më së miri mundëson realizimin e programit politik të Forcës në interes të të gjithë qytetarëve të Komunës së Ulqinit.
Negociatat duhen të nisen pa kushtëzime duke respektuar principet demokratike.
