Këtë fundjavë ekipet sportive nga Ulqini luajnë para tifozëve të vet. Basketbollistët e Ulqinit do të ndeshen në xhiron e pestë të Ligës së parë Erste të basketbollit me ekipin e “Jadranit” nga Bijello Pole, derisa hendbollistët në xhiron e dytë të Ligës së parë malazeze do të luajnë me ekipin e “Sutjeskës” nga Nikshiqi.
Futbollistët e Federalit janë të lirë në xhiron e fundit të Regjionit jugor të futbollit, në të cilën në tetë ndeshjet e luajtura deri tani i kanë rreshtuar të gjitha fitoret dhe udhëheqin bindshëm në “beton ligë”.
