Bindshëm i pari në Regjionin jugor të futbollit, Federali i Ulqinit takohet të dielën me Hajdukun e Tivarit. Pritet që në fushën e vet Federal do të arrijë edhe një fitore të lehtë. Ndeshja fillon në ora 13.30.
Por, suksesin në “fushën e gjelbër” nuk e përcjell përkrahja adekuate e komunitetit. Bile as ajo marrëveshje që u arrit me vetëqeverisjen lokale në fillim të shtatorit për financimin e pjesëmarrjes së Federalit në garën e vitit 2013/2014 nuk respektohet, kështu që klubi ndodhet në situatën gjithnjë e më të vështirë financiare.
