Shijet autentike, përbërësit vendas dhe kuzhina tradicionale janë gjithnjë e më shumë motivi për vizitorët që të vijnë në rivierën e Ulqinit. Sepse gastronomia është sot një nga segmentet më të rëndësishme të turizmit. Vizitorët dhe mysafirët duan gjithnjë e më shumë të provojnë gjellët autentike që Ulqini sigurisht i ka.
“Gastronomia nuk është më vetëm një pjesë e përvojës turistike; ajo po bëhet një nga nxitësit e saj më të fortë. Për ne, qëllimi nuk është vetëm të tërheqim turistë, por përmes gastronomisë, njerëzve dhe hapësirës të krijojmë përvoja autentike që mbeten në kujtimet e tyre të paharrueshme”, thuhet nga Organizata Turistike e Ulqinit.
Ata gjithashtu përmendin një shembull specifik: gjatë ‘Ditëve të Bamjeve’, ushqimi tradicional u prezantua në disa pika, ndërsa restorantet dhe ofruesit e shërbimit të ushqimit të Kalasë përgatitën në mënyrë të pavarur bamje në mënyrën e tyre, duke prezantuar receta dhe qasje të ndryshme për përgatitjen e këtij specialiteti tradicional të Ulqinit. Në këtë mënyrë, vizitorët patën mundësinë të provonin bamje dhe gjellë të tjera tradicionale në vende të ndryshme, duke e bërë ngjarjen një lloj shëtitjeje gastronomike nëpër Kala. Ishte pikërisht përmbajtja e re, përvoja e re interpretuese që i duhet turizmit të Ulqinit. Ato janë një organizim gastro-turesh ku mysafirëve u jepet mundësia të njihen me Ulqinin përmes historive, aromave, shijeve dhe produkteve të zgjedhura.
Gastro-turet të ndryshme janë zhvilluar në Ulqin për dekada të tëra përmes organizimit të të ashtuquajturit fishpiknik. Mysafirët fillimisht çohen me barkë në një plazh në Ulqin, ku shijojnë peizayhet dhe notin, dhe më pas u shërbehet peshk i përgatitur aty. Atyre u shërbehen edhe fruta, kryesisht shalqini i Ulqini.t Turistëve njëkohësisht u tregohet për të kaluarën e qytetit dhe bukuritë e tij.
Enogastro-turet organizohen në Malin e Brisë, ku prodhuesit vendas, produktet autoktone, veraritë dhe shtëpitë e verës, si dhe gatimet tradicionale prezantohen përmes një programi gjithëpërfshirës. Mysafirët kanë mundësinë të flasin drejtpërdrejt me prodhuesit vendas dhe të mësojnë rreth varieteteve të rrushit dhe teknikave specifike të prodhimit të verës në këtë zonë vreshtash.
Pra, Ulqini, me natyrën e tij unike – detin, lumin Buna, Ullishtën, Kriporen, rrethinën e gjerë dhe pjellore, një të kaluar të pasur dhe një numër të madh restorantesh, i ka të gjitha. Thjesht ka nevojë për një organizim të mirë dhe trajnim të njerëzve për gastroture të vërteta që rrëfejnë histori.
Kjo detyrë e lidhjes së gastronomisë, trashëgimisë lokale dhe një përvoje autentike të destinacionit i përket Organizatës Turistike si iniciatore e turizmit gjatë gjithë vitit dhe zhvillimit të qëndrueshëm, dhe bartëse e fushatës reklamuese. Programi duhet të hartohet si një platformë për shkëmbimin e njohurive, duke paraqitur shembuj të praktikave të mira të gastronomisë autentike të Ulqinit si një lidhje midis ushqimit, kulturës dhe komunitetit lokal.
Vetëm në këtë mënyrë mund të kontribuojmë në ruajtjen e vlerave tradicionale për brezat e ardhshëm dhe të forcojmë më tej pozicionin e Ulqinit si një destinacion turistik i njohur i nivelit të lartë.
Ky tekst u krijua në kuadër të projektit “Kultura e kuzhinës: të gjitha shijet e Ulqinit”, i cili financohet nga Ministria e Kulturës dhe Medias, nga Fondi për Nxitje të Pluralizmit dhe Diversitetit të Medias. Përmbajtja e këtij teksti është përgjegjësi e vetme e OJQ-së “Ul info” dhe nuk pasqyron domosdoshmërisht pikëpamjet e Ministrisë.
