Kryetari i komunës së Ulqinit Fatmir Gjeka ka deklaruar që jo më vonë se deri në fillim të korrikut do të merret kredia prej 1,2 milion euro. “Huamarrjen do ta marrim tek Atlasmont banka në mënyrë që të shlyejmë shpenzimet dhe të paguajmë pagat e prapambetura të punëtorëve, gjegjësisht të stabilizojmë buxhetin”, tha ai për “Dnevne novine”.
Kryetari i komunës së Ulqinit tha që pret që sot Parlamenti i Ulqinit të miratojë vendimin për huamarrje. “Komuna e Ulqinit ka shkallën më të ultë të huas në nivel të shtetit, por problem të madh na krijojnë llogaritë e bllokuara. Shpresojmë në sezon të mirë e cila do të na nxirrte nga kjo situatë”, shtoi ai.
