Kryetari i komunës së Ulqinit me rastin e një vjetorit të qeverisjes së tij ka thënë sot se ai dhe bashkëpunëtorët e tij duan dhe bëjnë çdo gjë që Ulqini të hyjë në procesin e transformimit të fuqishëm. “Kjo nënkupton afrimin e investitorëve të huaj dhe hapjen e vendeve të reja të punës në mënyrë që të realizohen pritjet e qytetarëve tanë”, tha ai në fjalimin solemn.
Sipas fjalëve të tija, në vitin e kaluar janë arritur suksese të konsiderueshme edhe pse qeverisja komunale dhe koalicioni qeverisës janë ballafaquar me shumë sfida.
“Kam insistuar dhe kërkuar nga bashkëpunëtorët e mi që të veprojmë si një skuadër”, theksoi Gjeka duke shtuar se ditët e ardhshme do të nis përgatitja për sezonin e ardhshëm turistik.
