Gjeka: MESAZH URIMI Z. EDI RAMA ME RASTIN E RIZGJEDHJES KRYEMINISTËR I REPUBLIKËS SË SHQIPËRISË

I nderuar z. Rama,

Me vëmendje kemi përcjellur procesin e konstituimit të përbërjes së re të Kuvendit dhe formimit të Qeverisë së re në shtetin amë, të dala nga zgjedhjet e fundit parlamentare, me ç’rast Shqipëria ka treguar edhe një herë pjekuri politike dhe institucionale në formimin e institucioneve të reja.

Gjatë qeverisjes suaj Shqipëria ka dëshmuar se din dhe ka kapacitete për t’u përballur me fatkeqësi natyrore dhe shëndetësore, si tërmeti katastrofal i nëntorit të vitit 2019 dhe pandemia e COVID-19.

Ne kemi mirëpritur rritjen e interesimit të Shqipërisë për shqiptarët në Mal të Zi dhe intensifikimin e rolit të Shqipërisë në politikën rajonale.
Pavarësisht qëndrimit të njëanshëm që Ministria për Evropën dhe Punëve të Jashtme ka mbajtur ndaj subjekteve politike shqiptare në zgjedhjet e fundit parlamentare në Mal të Zi, ne e kemi kuptuar këtë si një gabim të momentit.

Zgjedhja juaj për të tretën herë në krye të Qeverisë përbën një moment të ri politik në traditën e shumëpartiakësisë në Shqipëri.
Në mandatin e tretë qytetarët me të drejtë presin më shumë nga qeveria e re, por unë jam i bindur se Ju do të plotësoni dhe tejkaloni pritshmëritë e tyre.
Jam i sigurt se qeveria e re do të dijë të përballet me sfidat që e presin në planin e brendshëm, duke punuar fort në rritjen e standardit të qytetarëve, gjë që do të rezultojë me zvogëlimin e emigrimit si një plagë e jona e përbashkët, kurse në planin e jashtëm do të vazhdojë përshpejtimin e proceseve integruese drejt anëtarësimit të Shqipërisë në Bashkimin Evropian.

Përbërja e kabinetit qeveritar shpreh mē së miri vlerësimin për punën dhe kontributin e femrave në shoqërinë shqiptare.

Një Shqipëri e fortë politikisht dhe ekonomikisht është në interes të shqiptarëve në Mal të Zi dhe në rajon. Prandaj ne presim që të bashkëpunojmë më ngusht për realizimin e të drejtave dhe aspiratave të shqiptarëve në Mal të Zi.

Duke ju përgëzuar për rizgjedhjen Tuaj në krye të Qeverisë, Ju uroj punë të mbarë dhe shumë suksese.

Fatmir Gjeka, kryetar i Partisë Demokratike dhe deputet i Koalicionit “Bashkë nji zâ” në Kuvendin e Malit të Zi

Leave a Reply

Your email address will not be published. Required fields are marked *

Klan Kosova: MYSAFIR MUNIB ABAZI – SI E KALOI ULQINI SEZONIN VEROR

Abazoviq: FILLON KTHIMI I PRONAVE QYTETARËVE TË ULQINIT NË VALDANOS

TV Ul-info: GJELOSH GJOKAJ – “BABAI” I GRAFIKËS MODERNE

Themelohet Klaster i Bujqëve të Malit të Zi: SKENDER KALEZIQI ZGJIDHET NËNKRYETAR
Themelohet Klaster i Bujqëve të Malit të Zi: SKENDER KALEZIQI ZGJIDHET NËNKRYETAR

Në Dhomën e Tregtisë së Malit të Zi u mbajt Kuvendi Themelues i Klasterit të Prodhuesve Bujqësor nga Mali i Zi. Në Kuvendin themelues morën pjesë përfaqësuesit nga të gjitha komunat e Malit të Zi, ndërsa

Të dielën në Katërkollë: MBRËMJE PËRKUJTIMORE KUSHTUAR DRITAN KURTIT
Të dielën në Katërkollë: MBRËMJE PËRKUJTIMORE KUSHTUAR DRITAN KURTIT

Me rastin e njëvjetorit të vdekjes së kryetarit të saj Dritan Kurti, Shoqata “Ora” do të organizojë mbrëmjen përkujtimore “Një vit pa Dritanin”. Në kuadër të mbrëmjes përkujtimore do të shfaqet filmi dokumentar

Bajraktari: VALDANOSI IU KTHYE QYTETARËVE, DUHET EDHE ULQININ!
Bajraktari: VALDANOSI IU KTHYE QYTETARËVE, DUHET EDHE ULQININ!

“Me kënaqësi dhe lumturi hyj në Valdanos”, deklaroi kryetari i Këshillit Komunal të Lëvizjes Qytetare URA Omer Bajraktari. Ai tha që padrejtësia shumëdekadëshe më në fund po përmirësohet. “Si

BIRN: KRIPORJA ËSHTË ENDE NJË THESAR I ULQINIT
BIRN: KRIPORJA ËSHTË ENDE NJË THESAR I ULQINIT

I rrethuar nga fabrika dhe magazina të braktisura, gazetari i Ulqinit Mustafa Canka diskuton për zogjtë me një çift të moshuar gjerman në kriporet dikur të famshme të këtij qyteti bregdetar malazez. Me

Komuna e Ulqinit: TË DIELËN NË RANË FUSHATA “ULtra Green”
Komuna e Ulqinit: TË DIELËN NË RANË FUSHATA “ULtra Green”

Në kuadër të fushatës ULtra Green, të dielën, më 24 tetor 2021, në periudhën nga ora 11:00-15:00, në Ranë do të organizohet prezantimi i aktivitetet dhe shpërndarja e broshurave. Në orën 13:00, gazetarëve