Kryetari i komunës së Ulqinit Fatmir Gjeka ka paralajmëruar që kryetari i Prishtinës Shpend Ahmeti do të vizitojë këtë sezon Ulqinin. “Ne në fund të majit, gjatë panairit të turizmit në Prishtinë, ishim mysafirët e tij. Është arritur marrëveshja që ai të kthejë vizitën në Ulqin gjatë sezonit turistik”, tha Gjeka.
Ai shtoi që kjo do të jetë mundësi e mirë për shqyrtimin e mundësisë së zgjerimit të bashkëpunimit të këtyre dy qyteteve.