“Më mirë dhe më korrekte ndaj qytetarëve është që të shkojmë në zgjedhje. Është kohë e shkurt deri në zgjedhje të rregullta që të ketë ndonjë lloj rikomponimi. Për këtë arsye zgjedhjet janë të pashmangshme“, ka deklaruar lideri i Partisë demokratike Fatmir Gjeka.
Ai për TV Teuta tha që ditët e ardhshme partia e tij do të marr qëndrim të qartë për ndodhitë në komunë të Ulqinit dhe do të propozojë mënyrën e daljes nga “kjo krizë evidente në funksionimin e qeverisjes lokale dhe të parlamentit”.
Lideri i PD ka thënë që të gjithë subjektet politike në Ulqin kanë deklaruar që zgjedhjet do të ishin vendimi më i arsyeshëm.
Sipas fjalëve të tija, Raporti i punës i kryetarit të komunës Nazif Cungu për vitin 2012 nuk ka kaluar, sepse, siç tha Gjeka, nuk kishte përkrahjen e shumicës. “Propozimi jonë ishte që ai të tërhiqet, sepse në të askund nuk është përmendur koalicioni i cili ka ushtruar qeverisjen në Ulqin në dy vitet e kaluar”, shtoi ai.
