Gjykatësi i Gjykatës së apelit Miliq Megjedoviq ka caktuar për 14 tetor mbledhjen e këshillit i cili do të rishqyrtoi vendimin e gjykatës ndaj mjekut Radovan Aleksiq (35), të dënuar me 17 vite burg për vrasje të dyfishtë, në 2 gushtin e dy viteve më parë në Ulqin, shkruan “Pobjeda”.
Vendimin me 22 shkurt e dha gjykatësja e Gjykatës së lartë Ana Vukoviq. Sipas vlerësimit të gjykatës, janë vërtetuar akuzat që Aleksiq me disa të shtëna nga pistoleta ka vrarë bashkëvendësin Halil Adoviq (50). Një nga fishekët e shkrepur ka rikoshetuar dhe ka vrarë turistin nga Kosova Ahmet Thaçin (45), banues në Gjermani, i cili në atë moment ndodhej në vendngjarje.
Këshilli ka vlerësuar që Aleksiq ka kryer vepër me qëllim të drejtpërdrejtë. Ana Vukoviq ka theksuar që gjykata në caktimin e dënimit ka pas parasysh që Aleksiqi më herët nuk ishte i dënuar. Rrethanë lehtësuese për të pandehurin ishte dhe vlerësimi i neuropsikiatrit i cili tha që Aleksiq kishte kapacitet mendor dukshëm të zvogëluar në kohën e vrasjes, por kjo nuk do të thotë mungesën e përgjegjësisë së tij.
