Para Gjykatës ekonomike në Podgoricë sot është mbajtur gjyqi „për rastin K1“. Siç tha për Portalin Ul-info përfaqësuesi ligjor i komunës së Ulqinit, avokati i njohur nga Podgorica Stanko Mariq, gjyqi është shtyrë me kërkesë të paditësit, firmës „Rekreaturs“, gjegjësisht Atlas grupit.
Ai shtoi që gjykimi është shtyrë për shtator, gjegjësisht që ai do të mbahet mbas pushimeve verore.
Atlas grupi kërkon nga komuna e Ulqinit 10,5 milion euro dëmshpërblim për vendbanimin e prishur „K1“ në Plazhin e madh, në vitin 1983, dhe i cili i ka takuar sindikatës së Kosovës.
