Punëtorët e Kripores sot në Gjykatën ekonomike në Podgoricë do të bëjnë negociata për marrjen e fabrikës. “I kemi bërë të gjitha që kanë kërkuar nga ne, kemi regjistruar shoqërinë afariste “Kriporja e re”(Nova Solana) dhe shpresoj që sot do të arrijmë marrëveshjen”, tha për “Dnevne novine” kryetari i Organizatës sindikale të Kripores Marko Miranoviq.
Për Kriporen do të diskutohet nesër në mbledhjen e jashtëzakonshme të Kuvendit komunal të Ulqinit, ndërsa pritet edhe takimi me përfaqësuesit e Qeverisë së Malit të Zi dhe të Komunës së Ulqinit për problemin e pagave dhe kontributeve të papaguara.
